طلباتــكم اوامـــر (اي طبخة وانا حاظرة)

عيوني لج بنت ابهـــا

راح اعطيج طريقة حلوة

الخلطة

كريمة التراميسو

4 بياض بيض
كوب من السكر
نص ملعقة صغيرة فانيليا
ربع كيلو جبنة كريمة تنباع بالكيلو ((تلاقينها بالسوبر ماركات الكبيرة مثل عندنا مركز سلطان عندكم ماعرف)) واذا ما لقيتي هالجبنة اخذي جبنة فيلادلفيا ما يعادل ربع كيلو
ربع لتر كريمة الخفق السائلة انا استخدم KDD بس اكيد لها بدائل او يمكن تلاقينها عندكم

الطريقة لتحضير كريمة التراميسو

يخفق البيض مع السكر حتى يتكون خليط كثيف ما يشبة الكريمة بعدها تضيفين الفانيليا

بعدها الجبنة بالتدريج

بعدها بردي هالخلطة لمدة ساعة

واخر شي بعد التبريد اضيفي الكريمة واسمتري بالخفق لما تمتزج كل المواد وتحصلين على كريمة متماسكة ورجعيها بالثلاجة


طبعا بما انك بالسعودية لي الكيك المستخدم كطبقة اولى استخدمي كيك اليمامة اما الفانيليا او الكاكاو اللي عبارة 3 طبقات فوق بعض افصلي الطبقات وحطيهم بصينية الجيز كيك

بعدها ربع كوب ماء فاتر ذوبي فية نصف ملعكة نسكافية واسكبية على طبقة الكيك عشان يتشرب بعدها

طلعي خليط كريمة التراميسو واضيفيها على الكيك

وجعيها لثلاجة لمدة 4 ساعات على الاقل

وعند التقديم زينيها بملعقتين نسكويك باودر + ملعقة كاكاو بودر غير محلى على الوجه حتى يغطى كامل الوجه بالبودر

هذي طريقة مضمونة

بس بالنسبة لي انا احب اسويها بطبق شفاف وطبقة بسكويت وكيك اذا حبيتي اقولج الطريقة يعني اختلاف بسيط بس

اتمنى ان شرحي واضح وانشاء الله تضبط معاج هالمرة

وانتظر النتايج

اختج

This is Me