دروس في الدلاخه

--------------------------------------------------------------------------------

كلنا سمعنا عن الدلوووووخ لكن ماعمرنا جربنا الدلاااااخه ؟؟؟؟؟؟الحين اتبع هالحركات وراح تستمتع بالدلااااخه

بعض النقاط الاساسيه في تعليم الدلااخه والاحسااس الرائع اللي بيجيك لما تحس فيهاا<<<
عن الهرج..
اخليييكم معاها..


1) – اذا كنت جالس في القاعة او الفصل او في مكتبكـ في العمل ووجه لكـ احد سؤال وانت ماتعرف معناه
حاول تطفشه وبين له انك تحاول تاصل للجواب

2)- اذا كنت تمشي في الشارع وما في الشارع غير انت وناداكـ واحد باسمكـ لا ترد عليه وطنشه وحاول تضيعه واذا جاكـ باليوم الثاني وقالكـ امس انادي عليكـ وانت ماترد علي قله والله كنت احسبكـ تنادي واحد ثاني بيقولكـ مافيه غيركـ يمشي بالشارع يادلخ واذا قالكـ دلخ بيجيكـ احساس ممتع هذا الاحساس يدل على انك مستمتع بدلاختكـ الى ابعد حد..

3)- اذا ارسلتكـ امكـ للبقاله تجيب اغراض اذا رحت البقاله لاتجيب الاغراض اللي وصتكـ عليها .. لا حاول تجيب شيْ ما طلبته منكـ ..<<<الله يستر من اللي بيجيها

4)- اذا كنت في رحلة مع شباب في البر وكل واحد يسوي له شغله انت اطلب تحط الملح قبل مايحطون الغداء او العشاء وبدل الملح حط سكر بيعصبون عليكـ وبيقولون ماتفرق بين الملح والسكر يادلخ اذا قالوا عنكـ يادلخ انبسط وابتسم ياحووبي لانكـ وصلت للشيْ اللي تبيه ..

5)- حبيت في يوم ترووح تشوف مباراة للهلال والنصر مثلاُ لاتروح بدري رح في نص الشوط الاول واذا وصلت هناكـ
اسئل أي واحد جنبكـ وقله كم النتيجة اذا قالكـ 0/0 قل للي سالته من جاب الا هداف ومن تقدم في البدايه ..<<<بيجيه كف طااير 200

وان كان متقدم احد الفريقين 2/0 مثلاُ قله والله اتوقعها تنتهي تعادل بدون اهداف صدقني بتكون في قمة الاستمتاع ..

6)- نويت تسافر في يوم انت واخوياكـ اتفقتم خلاص على المنطقة اللي متوجهين صوبها
بعد ماتمشون 100 كيلو او اكثر قله شباب انا هونت ابي ارد لبيتنا مابي ارووح معكم
اكيد واحد منهم بينقز وبيقولكـ انت دلخ تبينا نردكـ عقب ما قطعنا 100 كيلو واكثر وذاكـ اليوم ادعي ان الله يوفقني ..<<<دلاااااخه مستعصيه

7)- يوم جاء في بالكـ تتعشاء بروستد دخلت المطعم وقابلت الموظف حق الطلبات قله عطني نص بروستد على الفحم ..
بس بدون رز بيقولكـ الموظف طلبكـ موب موجود عندنا يالقوطي( القوطي احدث اسم دال على الدلاخة ) ..

8)- اذا اوجعكـ شيْ في جسمكـ .. مثلاُ اذا اوجعكـ ضرسكـ اكيد بتحط يدكـ على خدكـ صح والا لا
جرب حركة غير على شان تبين لناس انكـ دلخ وعندكـ خبرة بالدلاخه بدل ماتحط يدكـ على خدكـ حاول انكـ تعرج
واذا شفت واحد من اخوياكـ جالس عند بيتهم رح صوبه واعرج بشكل واضح بيسالكـ سلامات وش فيكـ تعرج
قله والله ضرسي موجعني صدقني وقتها بتكون في اقسى درجات السعادة.....
شراايكم يالتماااسييح بالدرووس اتمنى انكم استفدتو منها